Thursday, July 18, 2019

ఆధునికుల సంశయములను తొలగించి/
మన సనాతన మత మహిమ తెలిపి/
మేలుగొల్పి, నిలిపె మ్లేచ్ఛులయొరవడి/
శివపురీశ! దేవ! చిద్విలాస!/🙏.                                సకలజనుల నడుమ సంచరించిన యతి/
దీనపాలనయెడ దీక్షబూనె/
కడలియంత కరుణ గల మహాపెరియవ/
శివపురీశ! దేవ! చిద్విలాస!/🙏.                                 ఆదిశంకరులకు అనుయాయి యాతడు/
కంచి పీఠమునకు కార్యకర్త/
జ్ఞానయోగమొసగె జనులకీ తాపసి/
శివపురీశ! దేవ! చిద్విలాస!/🙏.                               చంద్రశేఖరేంద్ర చరణారవిందములు/
ముక్తినొసగు భయ విముక్తి జేసి/
నరుడు గాడు యతడు నడయాడు దైవము/
శివపురీశ! దేవ! చిద్విలాస!/🙏    By Subrahmanyam M

No comments:

Post a Comment