Sunday, May 31, 2020

Grocery distribution

ఆరాధ్య బంధుమిత్రులందరికీ నమస్కారములు.

1) గౌరవనీయులు శివశ్రీ చంద్రశేకర రావు‌,ప్రధాన కార్యధర్శి - శైవమహాపీఠం గార్ల సమక్షంలో నేడు (31/5/2020) ఘనంగా  శంకరారాధ్య మఠం ప్రాంగణమందు,  మఠ, శైవ మహా పీఠం మరియు జంట నగర శాఖ ల  సంయుక్త   సహకారం తో జరుపబడిన నిత్యాన్నవసర సరుకుల పంపీణీ.

2) అదిక సంఖ్యలో హాజరైన బ్రాహ్మణులకు ఈ సరుకుల ప్యాకేజి ని అందించడం జరిగింది. కొంతమంది మహిళామణులు కూడా పాల్గొని ప్యాకేజి ని స్వీకరిండం జరిగింది.

3) అనంతరము ఆర్థిక సహాయము చేసిన దాతలందరికీ  ధన్యవాదాలు తెలియపరుస్తూ, వారందరికీ, వారి కుటుంబాలకూ శాంతి, సంతోష సౌఖ్యాలను ప్రసాదించమని శంకరాచార్యులవారి ని వేడుకోవడం తో కార్యక్రమం పరిపుష్టి  పొందింది.

ఇట్లు.
- - - ములుగు పవన్ కమార్, యస్.పి. బద్రీ రావు మరియు ముదగొండ వీరేష్.

























Saturday, May 30, 2020

* 🙏🙏Today In cordination with Sri . Sankararadhaya Matam,Sri Saiva Mahapeetham and Sri Saiva Mahamapeetam Jantanagar Sakha*
 distributed 75 kits of Groceries to the  poor & needy Brahmins at Sri Kasi Viswaeswaraalayam, Nagole,
Our General Secretary Sri Mudigonda Chandrasekhar garu & Sri Attaluri Gangadhar Rao garu graced the groceries distribution.

M Pavan Kumar - 9246358204
SP Badri - 95023 59124
Mudigonda Veeresh - 92461 09664








Friday, May 29, 2020

🌹🌹🌹శివలీలలు 🌹🌹🌹
🔱🔱🔱🔱🔱🔱🔱🔱🔱
శివుడు జననమరణాలుకు అతీతుడు.కాలతీతుడు అనగ కాలమునకు వశము కానివాడు. అందుకే సదాశివుడు అంటాము. అంతయు శివుడే అందుకే అందరు దేవ తలు శివారాధకులే.విష్ణువు, బ్రహ్మ, ఇతర దేవతలు సదా శివలింగారాధన చేస్తుంటారు.పరమశివుడు అనగా అంతటా ఉండేవాడు. శివుడు ఎంతవరకు విస్తరించాడో కనుగొనటం అసంభవం. అది విష్ణువు, బ్రహ్మ లకు కూడా అసంభవం.అందుకే పరమశివుడు అంటారు.

మరొక ఇతిహాసములో.. "బ్రహ్మ, విష్ణు, మహేశ్వరులగు త్రిమూర్తులకు జన్మనిచ్చిందిఆదిపరాశక్తి అగు శ్రీ రాజరాజేశ్వరీదేవి. అప్పుడు రాజరాజేశ్వరీ దేవికి మూడవ నేత్రం ఉండేది. అనంతరం, తనను ఈ ముగ్గురిలో ఎవరో ఒకరు వివాహమాడవలసిందిగా కోరింది. మొదట ముగ్గురూ నిరాకరించారు. ఆమె నచ్చచెప్పిన పిమ్మట, శివుడు తనని వివాహమాడేందుకు అంగీకరించి, ఒక షరతు పెట్టాడు. అది, తనను (ఆది పరాశక్తిని) వివాహమాడిన అనంతరం మూడవ నేత్రం శివునికి ఇవ్వాలి. అందుకు ఆ దేవత అంగీకరించి, వివాహానంతరం శివునికి మూడవ నేత్రమును ఇచ్చింది. అప్పుడు శివుడు ఆ మూడవ నేత్రముతో ఆ దేవతను భస్మం చేసి, ఆ భస్మరాశిని మూడు భాగాలుగా విభజించి, లక్ష్మి, సరస్వతి, పార్వతిలను సృష్టించారు .

కాశీనాధుని సుబ్రహ్మణ్యం
గాంధీనగర్, విజయవాడ.
🙏🙏🙏🙏🙏🙏🙏🙏🙏

Wednesday, May 27, 2020

❤🔱వల్లీ,దేవసేనా,సమేత సుబ్రహ్మణ్యస్వామి స్వరూపంలో అంతరార్ధం...........!!🔱❤

వల్లీ అనే మాటకి తీగ, లత అని అర్ధం.

 తీగ అల్లుకొని   అలా పైకి వెడుతుంది క్రిందనే అలా ఉండిపోతే లాభంలేదు.

 దానికో కొయ్యకావాలి ఆ కొయ్యని అల్లుకొని తీగ పైకి వెడుతూ ఉంటుంది.

 పురాణాన్ని పరిశీలిస్తే సుబ్రహ్మణుడు చెట్టుగా మారిన ఘట్టం కూడా ఉంది.

 లతా-వృక్షములు సాధారణంగా భార్యభర్తలుగా చెప్పబడతాయి.

ఒక తీగ చెట్టుకి అల్లుకున్నట్టుగా సుబ్రహ్మణ్యుడిని అల్లుకుంటుంది.

పురాణాలలో సంకేతవాదాలు, ప్రతీకవాదాలు ఉంటాయి..

 క్రిందన తీగ(అనగా మనలో  కుoడలిని) చుట్టలు చుట్టుకొని ఉంటే లాభం లేదు.

ఆ తీగ పైకి పాకాలి.

 మూలాధారం నుంచి సుషుమ్న అనబడే వెన్ను కొయ్యని అల్లుకొని పైకి పాకుతున్న శక్తిలతే వల్లీ.

 కుండలినీ శక్తి అనబడే ప్రాణశక్తి చేత అల్లుకోబడిన ఆత్మస్వరూపుడే సుబ్రహ్మణ్యుడు.

వల్లీ అనగా కుండలినీ శక్తి.

ఇంక దేవసేన:
యోగభాషలో, శాస్త్రభాషలో దేవతలంటే మన ఇంద్రియశక్తులు.

 ఇంద్రియాధిదేవతలు.

మన పురాకృత సుకృతం బట్టి ఒక్కొక్క దేవత ఒక్కొక్క ఇంద్రియంలో కూర్చుంటుంది.

 దానితో మనం మంచి పని చేస్తే అక్కడి దేవత శభాష్ అంటుంది.

 చెడ్డపని చేస్తే ఛీఛీ అని తిడుతుంది.

అవి శభాష్ అంటే పుణ్యాలై, ఛీఛీ అంటే దోషాలై మనకి లభిస్తాయి.

మనం చేసే పనులు ఏ  ఇంద్రియంతో చేస్తామో ఆ ఇంద్రియశక్తే పరీక్షిస్తూ ఉంటుంది.

అవి శక్తిని ఇచ్చి సాక్షిగానే చూస్తూ ఉంటాయి.

నేత్రాలకి సూర్యుడు, చేతికి ఇంద్రుడు, ఇలా ఒక్కొక్కదానికి ఇంద్రియాధిదేవతలు ఉంటారు.

 ఇన్ని దేవతలు శక్తులు మనలో ఉన్నాయి.

ఒక సేనాపతి సేనలతో వెళ్ళి యుద్ధం ఎలా చేస్తాడో మన శరీరంలో "నేను" అనేవాడు కూడా ఇంత సేన లేకపోతే వాడు పనిచేయలేడు.

కనుక మన ఇంద్రియశక్తులే దేవసేనలు.

వీటినన్నిటికి కలిపి ఒక నాయకుడులా నడిపించేవాడే మనలో "అహంరూపచైతన్యం", ఒకటున్నది.

 అదే దీన్ని చూడు, దాన్ని విను అని ఇంద్రియాలకి చెప్తోంది.

మనలో ఉన్న ఆత్మచైతన్యమే ఇంద్రియరూపదేవసేనలని నడుపుతోంది.

 కనుక ఇంద్రియరూప
దేవసేనలకి పతియై

 కుండలినీరూప వల్లీశక్తితో అల్లుకొని

 మనలో ఉన్న పరమాత్మ చైతన్యమే వల్లీదేవసేనాసమేత సుబ్రహ్మణ్యస్వామి.❤By I Umashankar 

Monday, May 25, 2020

🙏🙏🙏🙏🙏🙏🙏🙏🙏🙏🙏


శివలింగం యొక్క ఆథ్యాత్మిక రహస్యము!

శివుని లింగాకారం పైన మూడు విభూతిరేఖలను దిద్దుతారు వాటి యొక్క రహస్యము.

1. మొదటిది బ్రహ్మ కి గుర్తు
2. రెండవది విష్ణువు కి గుర్తు
3. మూడవది శంకరుడు కి గుర్తు

మద్యలో గంధాన్ని బిందువుగా పెడతారు, అది పరమాత్మని యొక్క స్మృతి చిహ్నమునకు గుర్తు అదే పరమాత్మని యొక్క యథార్థ స్వరూపం.

1. పరమాత్ముని నామం సదా శివ,

2. సదా శివ అంటే
సదా - ఎల్లప్పుడూ , శివ అనగా కళ్యాణకారి " మంగళకారి " మరియు "శుభకారి"

3. పరమాత్మ జ్యోతిర్బిందు స్వరూపుడైన చైతన్య మూర్తి ఇతనికి స్థూల సూక్ష్మ స్వరూపములు రెండూ లేవు.

4. పరమాత్మ బ్రహ్మా-విష్ణు-శంకరుల సూక్ష్మలోకాలకు పైన బ్రహ్మలోకంలో (ముక్తిధామంలో) ఉంటారు.

5. పరమాత్మ త్రిమూర్తి, అనగా బ్రహ్మా, విష్ణు, శంకరులను కూడ సృష్టించినవాడు.

6. పరమపిత పరమాత్మ బ్రహ్మా ద్వారా సృష్టి స్థాపన, విష్ణువు ద్వారా పాలన, శంకరుని ద్వారా మహావినాశనము,
ఈ ముగ్గురు చేత మూడు కర్తవ్యాలను చేయించువాడు పరమాత్మడు అందుకే ఇంగ్లీష్ లో GOD అంటారు.

7. లింగం శబ్ధము లీనము అనగా వస్తువును తెలియపరచు చిహ్నమని మరియు లక్షణములు చూపించేది అని
అర్థము. పరమాత్మ లక్షణములు చూపించేది కావున శివలింగం అని అంటారు .

8. ఓం నమః శివాయ అంటే
ఓం - నేను ఆత్మను
నమః - నమస్కారం
శివాయ -పరమాత్మడు
ఆత్మనైనా నేను పరమాత్మకి నమస్కారం చేస్తున్నాను అని అర్ధం.🙏🙏🙏🙏🙏🙏🙏🙏🙏🙏🙏🙏🕉🕉🕉🕉🕉🕉🕉🕉🕉🕉Forwarded by Subrahmanyam m

Sunday, May 24, 2020

* 🙏🙏Today In cordination with Sri . Sankararadhaya Matam,Sri Saiva Mahapeetham and Sri Saiva Mahamapeetam Jantanagar Sakha*
 distributed the Groceries to the  poor & needy Brahmins at Sri Kasi Viswaeswaraalayam, Nagole,
 Nearly 200 kits  of (5 Kg rice, 1 Kg Toor Dal, 1 Kg Atta, 1 Kg Sugar, Chilli powder & Salt) distributed.
**** Sponsorer  Sivasri Sivalenka Sridhar garu along with his family members,  Sri Mudigonda Chandrasekhar garu & Sri MVM Rao garu graced the groceries distribution.

M Pavan Kumar - 9246358204
SP Badri - 95023 59124
Mudigonda Veeresh - 92461 09664





Thursday, May 21, 2020

_*నేడు మాస శివరాత్రి ? ఎందుకు జరుపుకోవాలి? ఎలా జరుపుకోవాలి? వలన ఉపయోగములు*_

🕉🕉🕉🕉🕉🕉🕉🕉🕉

1. మాస శివరాత్రిని ఎప్పుడు జరుపుకోవాలి
ప్రతి నెల అమావాస్య ముందురోజు వచ్చే చతుర్ధశి తిధిని మాసశివరాత్రిగా జరుపుకుంటారు.
అసలు శివరాత్రి అనగా శివుని జన్మదినం (లింగోద్భవం) అని అర్ధం.
శివుని జన్మ తిధిని అనుసరించి ప్రతి నెలా జరుపుకునేదే మాస శివరాత్రి

*2. మాస శివరాత్రి  ఎందుకు జరుపుకోవాలి?*
మహాశివుడు లయ కారకుడు.  కనీనికా నాడీ జ్యోతిష్య శాస్త్రం ప్రకారము లయానికి (మృత్యువునకు) కారకుడు  కేతువు, అమావాస్య  ముందు వచ్చే చతుర్ధసి సమయంలో చంద్రుడు క్షీణించి బలహీనంగా ఉంటాడు.

*చంద్రోమా మనస్సో జాతః*

అనే సిద్దాంతము ప్రకారము ఈ చంద్రుడు క్షీణ దశలో ఉన్నప్పుడూ జీవులపై ఈ కేతు ప్రభావము ఉండటము వలన వారి వారి ఆహారపు అలవాట్లపై ప్రభావము చూయించడము వలన జీర్ణ శక్తి మందగిస్తుంది. తద్వారా మనస్సు ప్రభావితం అవుతుంది. తద్వారా ఆయా జీవులు ఈ సమయంలో మానసికముగా సమయమును కోల్పోవడమో, చంచల స్వభావులుగా మారడమో, మనోద్వేగముతో తీసుకోకూడని నిర్ణయాలు తీసుకోవడమో జరిగి కొన్ని సమయాలలో  తమకే కాకుండా తమ సమీపములో ఉన్న ప్రజల యొక్క మనస్సు, ఆరోగ్యం, ధనం, ప్రాణము లకు హాని తలపెట్టే ప్రయత్నం తమ ప్రమేయం లేకుండానే చేస్తూ ఉంటారు.

అందుకే మనం గమనించవచ్చు .., అమావాస్య తిధి ముందు ఘడియాలలో కొందరి అనారోగ్యం మందగించండం లేదా తిరగబెట్టడం, ప్రమాదాలు ఎక్కువగా జరిగి మరణాలు సంభవించదానికి కారణము ఇదే అని చెప్పవచ్చు.
కావున ఇటువంటి విపత్కర పరిస్థితులు రాకుండా ఉండాలన్నా లేక వాటి యొక్క తీవ్రత మనపై తక్కువగా ఉండాలన్నా మనం అవకాశం ఉన్నంత మేర ప్రతి మాసము ఈ మాస శివరాత్రిని జరుపుకోవలసిన అవసరం ఉన్నది.

*3. మాస శివరాత్రిని శాస్త్రయుక్తంగా ఎలా జరుపుకోవాలి ?*
ఈ అమావాస్య ముందు వచ్చే మాస శివరాత్రి నాడు సశాస్త్రీయంగా ఉపవాసము ఉండి సాధ్యమైనంత మేర ఎక్కువగా నీరు త్రాగుతూ గడపాలి. ఉదయాన్నే నిద్ర లేచిన తర్వాత స్నానాధికాలు ముగించుకుని దగ్గరలోని శివాలయ దర్శనం చెయ్యాలి. అవకాశం ఉన్న వారు వారి శక్తి మేర 5,11,18,21,56,108 ఇలా ప్రదక్షణములు చేయవచ్చు. అలాగే ఈ రోజు శివాలయములో పూజలో ఉంచిన చెరకు రసమును భక్తులకు పంచినచో వృత్తి అంశములో ఇబ్బందులను ఎదుర్కొనేవారికి అటువంటి ఆటంకాల నుండి ఉపశమనం లభిస్తుంది.

అలాగే ఆరోజు ప్రదోష వేల శివునకు మారేడు దళములతో లేదా కనీసము గంగా జలముతో అభిషేకాది అర్చనలు చేయడము మంచిది. ఇవేమీ చేయడానికి అవకాశము లేని వారు, ఆరోగ్యవంతులు, అలాగే గృహములో అశుచి దోషము లేని వారు ఈ రోజు ఉపవాసము ఉండి, మూడు పూటలా చల్లటి నీటితో వీలు అయినంత ఎక్కువ సమయం స్నానం చెయ్యాలి. మంచం మీద కాకుండా నేలపై పవళించాలి.

*4. మాస శివరాత్రిని జరుపుకోవడము వలన ఉపయోగములు ?*
ప్రత్యేకించి ఈ రోజు ను సశాస్త్రీయంగా జరుపుకోవడము వలన వలన మన జాతకములోని క్షీణ చంద్ర దోషముల యొక్క తీవ్రత తగ్గుముఖం పడుతుంది.
సంతానలేమి సమస్యలు నుండి విముక్తి లభిస్తుంది.
వృత్తి అంశంలో ఉన్న ఆలశ్యాలు, అవరోధాలు అంశంలో మార్పు కల్గుతుంది.
దీర్ఘ కాలిక అనారోగ్య సమస్యల నుండి  ఉపశమనం లభిస్తుంది.
ముఖ్యంగా మొండిగా, పెంకిగా, బద్దకంగా, మూర్ఘంగా ప్రవర్తించే పిల్లల చేత వారి తల్లిదండ్రులు ఈ రోజు ఉపవాసమును చేయించి దేవాలమునకు వెళ్ళే అలవాటును చేయించగల్గితే వారిలో కాలక్రమము లో ఖశ్చ్హితముగా మార్పు వస్తుందని భావించవచ్చు.
మానసిక సమస్యల నుండి విముక్తి లభిస్తుంది.
కావున మనం అందరం కూడా ఈ రోజు నుండి అవకాశం ఉన్నంత మేర ప్రతి మాస శివరాత్రిని సశాస్త్రీయంగా జరుపుకోవడము ద్వారా శుభములను పొందుదాం.
🙏🙏🙏🙏🙏🙏🙏🙏🙏🙏🙏
*ప్రవర యొక్క అర్ధం.*

*చతుస్సాగర పర్యంతం*
(మానవ పరిభ్రమణానికి నలువైపులా కల మహాసముద్రాల అంచుల వరకూ)...

*గో బ్రాహ్మణేభ్య శుభం భవతు*(సర్వాబీష్ట ప్రదాయిణి అగు..గోవూ మరియు నిత్యం సంఘహితాన్నే అభిలషించే సద్బ్రాహ్మణుడు అతడి రూపంలో ప్రకాశించే వేదధర్మం.. సర్వే సర్వత్రా దిగ్విజయంగా.. శుభప్రదంగా వర్ధిల్లాలని కోరుకుంటూ)....

*×××××××. ఋషేయ ప్రవరాన్విత..*
(మా వంశమునకూ..మా గోత్రమునకూ మా నిత్యానుష్ట ధర్మశీలతకు మూలపురుషులైన మా ఋషివరేణ్యులకూ..

*త్యాగే నైకే అమృతత్త్వ మానశుః......*
అన్న వారి మహోన్నతమైన త్యాగనిష్ఠకు సాక్షీభూతుడనై..

*×××××× గోత్రః*
(మా గోత్రమునకూ..)

*ఆపస్తంభ సూత్రః కృష్ణ యజుశ్శాఖాధ్యాయీ.....*
(మా శాఖకూ..అందలి శాస్త్ర మర్మంబులకు..)

*శ్రీ* *** *శర్మ నామధేయస్య*
( కేవలం జన్మతహానే కాక.. ఉపనయనాది సంస్కారాలతో.. శాస్త్రపఠనంతో..వేదాధ్యయనాది వైదిక క్రతువులతో..
1. స్నానము
2. సంధ్య
3. జపము
4. హోమము
5. స్వాధ్యాయము
6. దేవ పూజ
7. ఆతిధ్యము
8. వైశ్యదేవము అనబడే అష్టకర్మలనూ క్రమంతప్పక నిర్వహిస్తూ..త్రివిధాగ్నులు...
1.కామాగ్ని
2.క్రోధాగ్ని
3.క్షుద్రాగ్ని..
అనే త్రివిధాగ్నులను అదుపులో(సమస్థితిలో) ఉంచుకొన్న వాడినై..పేరుకు ముందు శ్రీ అనబడే..ప్రకృతి స్వరూపమైన శక్తిస్వరూపాన్ని.. శుభప్రదమైన శ్రీకారాన్ని ధరించిన..

*శ్రీ * *శర్మా* అనబడే సుశ్రోత్రియుడనైన నేను..జన్మప్రధాతలైన జననీజనకులముందు..  జ్ఞానప్రధాతలైన ఆచార్యులముందు.. జ్ఞానస్వరూపమైన వేదముముందు..యావత్ ప్రపంచానికే మార్గదర్శకమైన వేదధర్మము ముందు.. నిరాకార నిర్గుణ అవ్యాజ పరంజ్యోతి స్వరూపుడైన పరమాత్మ ముందు..

*అహంభో అభివాదయే..*
( కేవలం నేనూ అన్నదిలేక.. సర్వం ఆ పరమాత్మ యొక్క అనుగ్రహ భాగ్యమేయన్న అహంకారభావ రహితుడనై.. నిగర్వినై..త్రికరణ శుద్ధిగా (మనసా,వాచా,కర్మణా) సాష్టాంగ పూర్వక (మానవశరీరంలోని అత్యంత ప్రాధాన్యమైన ఎనిమిది శరీరాంగములనూ శరణాగత హృదయంచే నేలపై వాల్చి సమర్పిస్తున్న)దండ ప్రణామమిదే..అన్న పరిపూర్ణమైన ఆత్మపూర్వక వేదపూర్వక హృదయపూర్వక నమస్కార భావమే.. సశాస్త్రీయమైన ఈ ప్రవరలోని..అర్ధం అంతరార్ధం పరమార్ధం కూడా..By  MVMRAO 

Wednesday, May 20, 2020

🌼🌿శివ గుణాలు 🌼🌿

‘శివ’ శబ్దం మంగళాత్మకం. అందుకే ‘శివుడు’ అనే పేరు ఎన్నో శుభాల్ని సూచిస్తుంది. శుభాలన్నీ గుణాలే! అనేక గుణాలకు నిలయుడైనవాడు శివుడు. ఆయనను లోకమంతా ఆరాధిస్తుంది. శివ నామాన్ని జపిస్తుంది. ఆయన దర్శనం కోసమే తపిస్తుంది. అదీ శివుడి విశిష్టత.
శివుడి అనంత గుణాల్లో త్రినేత్రత్వం ఒకటి. సూర్యుడు, చంద్రుడు, అగ్ని- శివుడి మూడు కళ్లు. అలా మూడింటిని కలిగి ఉండటం ఆయన ప్రత్యేకత. అందులోనే ఎంతో అంతరార్థం దాగి ఉంది. సూర్యుడు ఆరోగ్యానికి, చంద్రుడు జీవన కళకు, అగ్ని తేజోగుణానికి నెలవులు. ఆ మూడూ ప్రతి మనిషిలోనూ ఉండాలన్న సత్యాన్ని శివుడి త్రినేత్రత్వం చెబుతోంది.
భస్మాన్ని శరీరమంతటా ధరించడం వల్ల శివుడు భస్మధారి అయ్యాడు. లోకంలో చివరికి బూడిద తప్ప ఏదీ మిగలదు. ఈ సత్యాన్ని ఆయన భస్మధారణ తెలియజేస్తుంది. అన్నీ నశించేవే అనడం దాని పరమార్థం.
శివుడు తన అర్ధ శరీరాన్ని భార్యకు ఇవ్వడం వల్ల అర్ధనారీశ్వరుడయ్యాడు. ఏ వ్యక్తి అయినా తన జీవిత భాగస్వామికి అర్ధాంగాన్ని సమర్పించినంతగా ప్రేమను పంచాలన్నదే ఇందులోని భావం.
ఆయన గరళ కంఠుడు. అంటే, కంఠంలో విషాన్ని దాచుకొన్నవాడు. అది కాలకూట విషం. అత్యంత ప్రమాదకరం. అయినా శివుడు చలించకుండా లోక రక్షణార్థం గొంతులో ధరించాడు. మంచి పని కోసం చేదు కష్టాలు భరించక తప్పదనే రూపం అది.
జీవుడి అంతిమ యాత్ర ముగిసేది శ్మశానంలోనే. దాన్ని శివుడు విహారభూమిగా చేసుకొన్నాడు. పుట్టిన ప్రతి ప్రాణీ ఏదో ఒకనాటికి అక్కడికి చేరక తప్పదన్న జీవన సత్యానికి అది సూచిక.
నిరంతరం ప్రవహించే స్వచ్ఛ నది గంగ. ఆ గంగనే తలపై ధరించిన గంగాధరుడు స్వచ్ఛతకు ప్రతిరూపం. ఎవరికైనా నీటితోనే పరిశుభ్రత, పవిత్రత లభిస్తాయి. శివుడి గంగాధరత్వం మానవాళికి మార్గదర్శకం.
చంద్రశేఖరుడు- అంటే, తలపై చంద్రుణ్ని ధరించినవాడు శివుడు. శరీరంలో అగ్రభాగం శిరస్సు. అది అన్ని కళలతో ప్రకాశిస్తేనే, జీవితం వెలుగుతుందని అంతరార్థం.
శివుడు నంది వాహనుడు. ‘నంది’ అంటే ఆనందింపజేసేది. వాహనం ఆనందాన్ని కలిగించాలని, జీవన యాత్రను సుఖవంతం చేయాలని సూచిస్తోంది ఆ నంది.
సర్పహారి శివుడు. అంటే పామును మెడలో వేసుకునేవాడు. గడ్డు పరిస్థితులు ఎదురైనా మనిషి వాటిని అధిగమించాలని, సర్పాన్ని మెడలో వేసుకున్నట్లు ఉండాలే కాని, భయపడి పారిపోకూడదని నాగాభరణత్వం తెలియజేస్తుంది.
శివుడు తాండవ ప్రియుడు. జీవితం ఒక రంగస్థలం. దానిపై నిత్యమూ ఆనందంగా ఆడుకోవాలని సూచిస్తాడాయన.
ప్రమథ గణాలకు నాయకుడు శివుడు. లోకంలో ప్రతి వ్యక్తీ ధర్మాన్ని నిలపడానికి వీలుగా తనకు సహాయం చేసే శక్తుల్ని సమకూర్చుకోవాలి. వాటిని లోక క్షేమం కోసం వాడుకోవాలన్నదే దీనిలో అంతరార్థం.
ఆయన మహా తపస్వి. లోక క్షేమం కోసం చేసే తపస్సు అది. ఏ మంచి పనినైనా దీక్షతో ఓ తపస్సులా ఆచరించాలని, దేనికీ చలించరాదని ఈ శివతత్వం బోధిస్తోంది.
ఇలా శివగుణాలు అనేకం. ఇవన్నీ లోకానికి సందేశాలు అందించేవే. దైవాన్ని మనిషి తన జీవనమార్గ లక్ష్యంగా చేసుకుంటే, అంతటా శివం (మంగళం) వెల్లివిరుస్తుంది!

            🌼🌿 ఓం నమః శివాయ🌼🌿

Monday, May 18, 2020

***ఆరాధ్య బంధువులకు నమస్కారములు...🙏🙏

 శ్రీ ముదిగొండ శంకరరాధ్య మఠం, శ్రీ శైవ మహాపీఠం మరియు శ్రీశైవమహాపీఠం జంటనగర శాఖ  సహకారంతో...
ఈ రోజు అనగా  17.05.2020 ఆదివారం నాడు నాగోల్ శ్రీ  కాశీ విశ్వేశ్వరాలయం నందు 50 మంది పేద బ్రాహ్మణులకు నిత్యావసర గ్రాసం అందజేయడం జరిగింది.

రేపటి నుండి అనగా *18.05.2020* నుండి  *శ్రీ ముదిగొండ శంకరరాధ్య మఠంలో*  ఈ లాక్ డౌన్ ముగియునంత వరకు పేదలకు *5 కేజీల బియ్యం* వితరణ చేయుటకు సంకల్పించినాము.
వితరణ సమయం : *ఉ౹౹ 10 గం౹౹ ల నుండి 11 గం౹౹ ల వరకు మాత్రమే*

ఇట్లు
ములుగు పవన కుమార్   --  9246358204
S P బద్రి.  +91 95023 59124
ముదిగొండ వీరేశ్   +91 92461 09664

Monday, May 11, 2020

I

11.05.2020

***ఆరాధ్య బంధువులకు నమస్కారములు...🙏🙏

ఈరోజు  అనగా 11.05.2020 శ్రీ ముదిగొండ శంకరరాధ్యమఠంలో అన్నదానం కార్యక్రమం నిర్విఘ్నంగా కొనసాగింది...

శ్రీ శైవ మహాపీఠం కార్యవర్గ సభ్యులు శ్రీ ములుగు పవన్ కుమార్ గారు,  శ్రీ SP బద్రి గారు, శ్రీ ముదిగొండ వీరేశ్ గారు,  శ్రీ ముదిగొండ నాగరాజు,   శ్రీ ముదిగొండ లింగమూర్తి గారు, మరియు శ్రీ  విఠల్ గార్ల  బృందం   కలసి సుమారు 200 ప్యాకెట్స్ *బిసిబిళ్లబాత్*  తయారు చేయించి మ౹౹ 12.30 ని!!లకు   50 ఆహార ప్యాకెట్స్ పీఠం వద్ద పేదలకు అందచేయుటమైనది.
150 ఆహార ప్యాకెట్స్ పోలీస్ శాఖవారి సహకారంతో ముషీరాబాద్, గాంధీనగర్,  పద్మారావునగర్ పరిసర ప్రాంతాలలో పేదలకు పంపిణీ చేయడమైనది.

*ఈనాటితో మేము ప్రారంభించిన అన్నప్రసాద వితరణ కార్యక్రమము విజయవంతంగా ముగిసింది*.
ఈ కార్యక్రముమునకు విరివిగా *విరాళాలు అందజేసిన దాతలందరికి మరొక్కసారి మా కృతజ్ఞతపూర్వక ప్రణామములు*.
ఈ మండలం రోజుల కార్యక్రమములో
# సుమారు *16000 అన్నప్రసాదములు* కరోన లాక్ డౌన్ బాధితులకు అందజేయడం జరిగినది.
#సుమారు *460 నిత్యావసర గ్రాసం కిట్స్* నగరంలో పలుచోట్ల ఉన్న పేద ఆరాధ్య బంధువులకు మరియు ఇతర బాధితులకు అందజేయడమైనది.
#సుమారు *70 నిత్యావసర గ్రాసం కిట్స్* చిక్కడపల్లి త్యాగరాయగానసభ వద్ద  మహేశ్వరులకు వితరణ చేయడమైనది.
# *100 కేజీలు బియ్యం* బ్రాహ్మణ వెల్ఫేర్ అసోసియేషన్ ద్వారా పేద బ్రాహ్మణులకు వితరణ చేయడమైనది.

ఈ కార్యక్రమమునకు సహకరించిన శ్రీ శైవ మహాపీఠం మరియు శ్రీశైవమహాపీఠం జంటనగర శాఖ కార్యవర్గ సభ్యులకు, ఇతర మిత్రులకు మా శతకోటి  వందనాలు🙏..అభివందనాలు.🙏🙏
ఈ కార్యక్రమమునకు మాకు వచ్చిన విరాళాలు మరియు చేసిన ఖర్చుల వివరాలు త్వరలో సమర్పించగలము.

ఇట్లు
*ములుగు పవన్ కుమార్*
*S P బద్రి*
*ముదిగొండ వీరేశ్*

10.05.2020

***ఆరాధ్య బంధువులకు నమస్కారములు...🙏🙏

ఈరోజు  అనగా 10.05.2020 శ్రీ ముదిగొండ శంకరరాధ్యమఠంలో అన్నదానం కార్యక్రమం నిర్విఘ్నంగా కొనసాగింది...

శ్రీ శైవ మహాపీఠం కార్యవర్గ సభ్యులు శ్రీ ములుగు పవన్ కుమార్ గారు,  శ్రీ SP బద్రి గారు, శ్రీ ముదిగొండ వీరేశ్ గారు,  శ్రీ ముదిగొండ నాగరాజు,  శ్రీ శివలెంక ఉదయభాస్కర్ గారు, శ్రీ ముదిగొండ లింగమూర్తి గారు, డా౹౹ శ్రీ విఠల్ గారు   మరియు శ్రీ & శ్రీమతి విఠల్ గార్ల  బృందం   కలసి సుమారు 400 ప్యాకెట్స్ *మిక్స్డ్ వెజిటబుల్ రైస్*  తయారు చేయించి మ౹౹ 12.30 ని!!లకు   200 ఆహార ప్యాకెట్స్ సికింద్రాబాద్ లో ఉన్న  అంధులకు  అందచేయడం అయినది.
200 ఆహార ప్యాకెట్స్ పోలీస్ శాఖవారి సహకారంతో ముషీరాబాద్, గాంధీనగర్,  పద్మారావునగర్ పరిసర ప్రాంతాలలో పేదలకు పంపిణీ చేయడమైనది.

ఈరోజు మఠంలో *శివరాధ్య శ్రీ ముదిగొండ శంకరరాధ్యులవారి ఆరాధానోత్సవం* ఘనంగా నిర్వహింపబడినది.

విరాళాలు ఇచ్చిన దాతలకు ఆ కాశీ విశ్వేశ్వరుడు ఎల్లప్పుడూ అష్ట ఐశ్వర్యాలు ఆయురారోగ్యాలు సదా కలగజేయాలని ప్రార్థిస్తూ ...

ఇట్లు
*ములుగు హనుమంత రావు*
*ఫిట్ పర్సన్*
*శ్రీ ముదిగొండ శంకరారాధ్యమఠం*

Saturday, May 9, 2020

శ్రీ ముదిగొండ శంకరారాధ్యా మఠం లో 37వ రోజు కరోనా బాదితులు కీ అన్నప్రసాద వితరణ, శ్రీ ముదిగొండ శాంకారారాధ్యా మఠం, శ్రీ శైవమహాపీఠం నాగోలు మరియు శ్రీశైవమపీఠం జంటనగర శాఖ సoయుక్త ఆధ్వర్యంలో జరిగినది