Sunday, July 7, 2019

🙏పంచారామ దర్శనము🙏 By Subrahmanyam M

ఆంధ్ర రాజధాని అమరావతికి జన/
కృష్ణవేణి ఝరులకంజలించి/
ఆర్తితోడ గొల్తు నమరలింగేశ్వరుని/
శివపురీశ! దేవ! చిద్విలాస!/🙏

భీమవరము మీదు ధామమై విలసిల్లె/
గౌతమీ తటాన కనులపంట/
సాధుజనుల వేల్పు సోమేశ్వరుండిట/
శివపురీశ! దేవ! చిద్విలాస!/🙏

పాలకొల్లులోన భక్తజన బాంధవా/
క్షీర రామలింగ క్షితి పతీవు/
పాడిపంటలొసగు పశుపతివీవుగా/
శివపురీశ! దేవ! చిద్విలాస!/🙏

దక్షవాటియనగ దక్షిణామూర్తియౌ/
భీమలింగమునకు ప్రియముగూర్చు/
కీర్తిగొన్న మాణికేశ్వరి సన్నిధౌ/
శివపురీశ! దేవ! చిద్విలాస!/🙏

సౌమ్యులుండు తావు సామర్లకోటలో/
పేరుగొన కుమారభీమలింగ/
భక్తజనుల రక్ష పంచయారామములు/
శివపురీశ! దేవ! చిద్విలాస!/🙏

No comments:

Post a Comment