Wednesday, June 5, 2019

*'అష్టావక్రగీత' 13, 14 ప్రకరణల నుండి (316)*_
🕉🌞🌎🌙🌟🚩
By MVMRAO
_*వినయం మనలో సంస్కారాన్ని పెంచి అహంకారం తగ్గిస్తుంది !!*_

_*మహానుభావులు సమత్వం పాటిస్తారు. అంటే  ఎప్పుడు, దేనికి ఎంత విలువ ఇవ్వాలో అంతే ఇస్తారు. వారు దేన్నుండి ఏమి ఆశించారు. కనుకనే వారి మనసు, ప్రవర్తన అంతా పవిత్రంగా ఉంటాయి. వారి బంధరహిత స్థితే ఆ పవిత్రతకు కారణం. మనం దాన్ని ఆదర్శంగా తీసుకోవాలి. కానీ మనం మన అవసరాన్ని బట్టి ఎదుటివారి విలువలను అంచనావేస్తాం. ఒక డాక్టర్ వద్దకు వెళ్ళినప్పుడు నమస్కారం చేస్తాం. అదే మనకి సామాన్యంగా కనిపించే వారికి కనీసం ప్రతినమస్కారం చేయడానికి కూడా అహంకారం అడ్డువస్తుంది. అందుకే భక్తుడు అనుకునేవారు ఎదుటి వ్యక్తి హోదాను చూసి కాకుండా వారిని ఒక తోటి మనిషిగా మనస్ఫూర్తిగా గౌరవించడం, వినయంగా నమస్కరించడం అలవాటు చేసుకోవాలి. వినయం మనలోని సంస్కారాన్ని పెంచి అహంకారాన్ని తగ్గిస్తుంది. కంచి మహాస్వామి వారు సాధారణ దర్శన సమయంలో అత్యంత సామాన్యులను కూడా ప్రేమతో అనుగ్రహించే వారు. వారి సాధన సమయంలో  కోటీశ్వరులు వచ్చినా కూడా చలించే వారు కాదు. దర్శనం ఇచ్చేవారు కాదు !*_

🕉🌞🌎🌙🌟🚩

No comments:

Post a Comment