Saturday, September 28, 2019

*భర్తృహరి (సుజనపద్దతి) సుభాషిత శ్లోకాలు  ~ 59*

*59: యః  ప్రీణయే త్సుచరితైః  పితరం  స పుత్త్రో*
‌        *య ద్బర్తురేవ హిత మిచ్చతి తత్కళత్రం*
        *తన్మిత్ర మాపది సుఖే చ*
        *సమక్రియం  య, దేతత్ త్రయం జగతి పుణ్యకృతో లభన్తే*

*అనువాదపద్యము*

*చ: జనకుని బూజలం గడు బ్రసన్నుని జేయునతండు పుత్త్రు, డే*
      *వనితమెలంగు భర్తృవశవర్తి యై యది సత్కళత్ర, మే*
      *జనుడు విపత్తి సౌఖ్యసదృశ క్రియుడాతడు మిత్త్రు; డీత్రయం*
      *బును జగతిన్ లభించు గడు బుణ్యాము జేసినయట్టి వారికిన్*

        మంచి నడవడిచేత తండ్రిని సంతోషపెట్టువాడే పుత్రుడు, భర్తకు హితము
కోరునదియే భార్య, ఆపత్సమయమునందును సంపదల యందునూ, సమానముగా చెలిమి చేయునతడే మిత్రుడు; ఇట్టి పుత్రుడునూ, భార్యయూ,
స్నేహితుడునూ,  పుణ్యాత్ములకు గానీ లభించరు‌.

~~~ ( సేకరణ : పి. యల్. నరసింహాచార్య దాసన్ ) ~~~

No comments:

Post a Comment