Saturday, March 23, 2019

chaganti koteswara rao gari shastipurthi celebrations

‘‘శారదాజ్ఞానపుత్ర’’
శ్రీశ్రీశ్రీ చాగంటి కోటేశ్వరరావు షష్ట్యబ్ధి మహోత్సవ సందర్భంగా 
                   వారి ఆధ్యాత్మికా సంసేవ ప్రకటనా గీతిక

సమర్పణం  :  శాంతా  - వసంతా ట్రస్టు 
రచన            :  శ్రీ రాంభట్ల నృసింహ శర్మ
గానం            :  శ్రీ ఎస్‌.పి.బాలసుబ్రహ్మణ్యం
సంగీతం      :  శ్రీ నాగరాజు తాళ్ళూరి

సాకి :    శ్రీశారద జ్ఞానపుత్ర ధీసార విశాలనేత్ర
             ఆథ్యాత్మిక జగన్మిత్ర అలుపెరుగని సుధాగాత్ర
             అడుగుపెట్టు ప్రతితావున తాను ఋష్యశృంగుడే
             మడుగుకట్టు దైవీవర వర్షధార పొంగులే !

పల్లవి  :  కనుమిదె ! పుంభావ సరస్వతీ కళాకలకంఠుని
               కలియుగ వాల్మీకి, వ్యాస సుప్రభాస ‘చాగంటి’ని
               నడతల, నుడువుల, నగవుల ఆ తైజస ధాటిని
               తడియని వారేరీ!? ఆ పలకుల పన్నీటిని...                              ॥ కనుమిదె ॥

చరణం:  కమండలం  చేపట్టక, కాషాయం మెయిచుట్టక
               సాధారణ, సామాజిక జీవన ఋషిసత్తమునిగ
               పల్లెలు  పట్నాలే తన నైమిశారణ్యాలని
                కొల్లగ  భక్తికి మలిపే పుణ్యమె నైపుణ్యమని...                           ॥ కనుమిదె ॥

చరణం:  ప్రతిన పట్టినట్టుగ ప్రతి మాట మంత్రపాఠమే
                 కృతిని పాడు నట్లగు ఆకృతి గనక దాటమే
                 ఆర్షధర్మ సూత్రాంగిక చలిత లలిత పీఠమే
                 హర్షణీయ భారతీయ నిజధర్మోద్ఘాటనమే...                            ॥ కనుమిదె ॥

చరణం:  రామశీల, ధర్మహేల, కృష్ణలీల కథామాల
                అష్టాదశ పురాణాల శిష్టాచారాల వాల
               యజ్ఞ, వ్రత, తీర్థక్షేత్ర మహిమల మహి చాటగా        
                ప్రజ్ఞామయ శ్రుతి స్మృతుల కచ్ఛపి తంత్రులు  మీటగ...          ॥ కనుమిదె ॥

చరణం:  కోటి కోటి హితవుల ముక్కోటి దివ్యస్వరావళిని
               గోటి కొనల కుప్పించగ, గుప్పించే వాఙ్మయఖని
                కోటేశ్వర నాముని, నిష్కామ కర్మ గుణధాముని
                సాటిలేని వైదిక సంస్ఫూర్తిని... సద్గురు మూర్తిని...                ॥ కనుమిదె ॥












No comments:

Post a Comment