29/06/17,
7:01:13 PM: KK: *సాధన ఫలించింది అనడానికి సంకేతాలు (ప్రాథమిక
స్థాయిలో):-- కొందరికి గుడికి వెడితే బాబా మీద అలంకరించిన పువ్వు పడితే అది
వారికి ఆశీస్సులు లభించినట్లు సూచన. కొందరికి వారి సంకల్పం తలుచుకోగానే
పూజారి ప్రసాదం ఇవ్వడం సంకేతం. ఒకరికి హోమం చెయ్యగానే వర్షం పడితే అది
దేవతానుగ్రహ సంకేతం. కొందరికి జపం చేస్తున్నప్పుడు శరీరం రోమాంచితమయ్యే
కుండలినీ జాగృతీకరణ సంకేతం. చండీ సప్తశతిలో అర్గళా (అంటే గడియ అని అర్ధం)
స్తోత్రాన్ని ఉపాసిస్తే తలుపుకున్న గడియలు వాటంతట అవే కొట్టుకోవడం చప్పుడు
చేయడం, తలుపులు తెరుచుకోవడం సంకేతం. ఇలా ఎన్నో రకాల సాధనా సంకేతాలు ప్రపంచ
వ్యాప్తంగా ఆధ్యాత్మిక రంగంలో ఉన్నాయి. తెలంగాణాలో ఒక ప్రదాయంలో కొత్తగా
పెళ్ళైన తర్వాత దంపతులు పూజ చేసి ఎదురుగా మూడు బిందెలు పెడతారు. అందరూ
'గోవిందా, గోవిందా' అంటూ మనసులో పితృ దేవతలని ఆహ్వానిస్తారు. చిన్నపిల్లలు ఆ
నీళ్ళు నిండిన బిందెల మీద చెయ్యి ఆంచి ఉంచుతారు. కొంతసేపటికి ఆ బిందెలు
వాటంతట అవే జరగడం మొదలుపెడతాయి. ఇది ఆ పితృ దేవతల ఆశీస్సులకి సంకేతంగా
భావిస్తారు.*
Friday, June 30, 2017
శ్రీ విద్యా సాధకులనియమాలు
29/06/17, 9:18:05 AM: +91 99499 26268: 🌹 *శ్రీ విద్యా సాధకుల నియమాలు*🌹
👉🏻
1. గురువు ను దూషణ గాని పరిహాసము గాని చేయరాదు.
👉🏻
2. గురువును మన ఆలోచనలకు సరిపడ నడవమని చెప్పరాదు.
👉🏻
3. గురువు వద్దనుండి ధనము ఇచ్చి పుచ్చు కోకూడదు.
👉🏻
4. గురువుకు నచ్చనివారితో సహవాసమును చేయరాదు గురు దూషణ కూడ చెవులతో వినరాదు
👉🏻
5. గురువు చెప్పే మాట చేసే పని విరుధ్ధం గా ఉన్నా కూడా వారు చెప్పిన దాన్ని పాటించడమే
👉🏻
6. గురువు కూడా మనలాగ మనిషి అని తెలుసుకుని వారి తప్పులెంచకూడదు
👉🏻
7. గురువే భగవంతుని రూపముగా భావించాలి కాని సందేహం కూడదు.
👉🏻
8. గురువు వద్ద సమర్పణలో ఏరకమైన లోపము లోభము ఉండకూడదు
👉🏻
9. గురు ఆజ్ఞను లోకమునకు భయపడి ఆచరించకుండా ఉండరాదు
👉🏻
10. అందరి ముందు గురువుకు నమస్కారం చేయడానికి సిగ్గు పడకూడదు.
👉🏻
11. గురువును చాలా కాలము చూడకుండా ఉండకూడదు.
👉🏻
12. గురు పాదుక ఇచ్చారు కదా ఇక గురువెందుకు అని నిర్లక్ష్యం చేయకూడదు
👉🏻
13. గురువు నుండి ప్రత్యేక ఫలితంకోసం మంత్రము అడగకూడదు .నాకు ఆమంత్రం ముందే తెలుసు అనకూడదు.
👉🏻
14. గురువు వద్ద నాకు మంత్రం ఓక విధంగాను వేరొకరికి వేరే విధంగాను ఎందుకు ఇచ్చారని అడగకూడదు. మంత్రం ఇంత చిన్నగా ఉంది అని అడగకూడదు.
👉🏻
15. గురువుతో వేరే శిష్యులు దగ్గరగా చనువుగా ఉండటం గురువు వారికి చేసే ఉపచారాలు ఉపేక్షణలు చూసి అసూయపడకూడదు .
👉🏻
16. గురువు తో వేరొకరు మాటలాడునది ఏమిటి అని తెలుసుకొనుటకు ప్రయత్నించరాదు.
*గురువు మార్గదర్శి మాత్రమే. సాధన మనమే చేయాలి.*
ఒక యజ్ఞం జరుగుతోంది----
30/06/17,
2:02:07 PM: +91 80088 84529: ఒక యజ్ఞం జరుగుతోంది యజమానికి యజ్ఞకుండంలో
బంగారం ముద్ద దొరికింది. ఆయన ఆశ్చర్యపోయాడు . అప్పుడు భార్య చెప్పింది.
"నిన్న పొరపాటున యజ్ఞ కుండంలో తాంబూలాన్ని ఉమ్మేశాను. అదే ఈ రోజు బంగారు ముద్ద అయింది."
ఇంటి యజమానిపరీక్షించేందుకు తానూ యజ్ఞ కుండంలో తాంబూలాన్ని ఉమ్మేశాడు.
మరుసటి రోజు మరో బంగారు ముద్ద దొరికింది.
ఈ
వార్త ఆనోటా ఈ నోటా పాకింది. అంతే యజ్ఞాలు చేసే బ్రాహ్మణులంతా యజ్ఞ
కుండంలో ఊసేశారు. బంగారు ముద్దలు పొందారు. ఒక్క అర్క సోమయాజి తప్ప.
"యజ్ఞం
పవిత్రమైనది. యజ్ఞ కుండం పవిత్రమైనది. యజ్ఞం చేయడం నా ధర్మం. నా కర్తవ్యం.
బంగారు ముద్దలు వచ్చినా బ్రహ్మాండమే బద్దలైనా నేను అందులో ఉమ్మేసే
ప్రసక్తే లేదు" అన్నాడాయన.
ఊరు ఊరంతా ధనవంతులయ్యారు. ఒక్క అర్క సోమయాజి తప్ప.
ఆయన భార్యకు ఇది నచ్చలేదు.
"మనమూ ఉమ్మేద్దాం. బంగారం పొందేద్దాం" అని నచ్చచెప్పింది.
అర్కసోమయాజి ససేమిరా అన్నాడు.
చివరికి ఆమె కోపంతో *పుట్టింటికి పయనమైంది.
ఆమెకు నచ్చచెబుతూ అర్క సోమయాజి కూడా ఆమె వెనకే వెళ్లాడు.
ఊరి
పొలిమేర దాటాడో లేదో... ఊళ్లో పెద్దగా గొడవలు మొదలయ్యాయి. బంగారం ముద్దల
పేరిట కొట్టుకోవడం మొదలైంది. ఇళ్లు కాలిపోతున్నై. మనుషులు చచ్చిపోతున్నారు.
మొత్తం ఊరు ఊరు బూడిదైపోయింది. ఒక్కరూ మిగల్లేదు.
అర్క సోమయాజి, ఆయన భార్య తప్ప.
అప్పుడే కలిపురుషుడు వారికి ఎదురు వచ్చాడు.
"ఇన్నాళ్లూ
నువ్వున్నావనే ఊరిని వదిలేశా. ఊరు ఊరంతా బంగారం ముద్దల కోసం ధర్మం
తప్పినా, నువ్వు, నీ కుటుంబం ధర్మాన్ని పాటించింది. అందుకే నువ్వు ఊళ్లో
ఉన్నంత సేపూ ఊరిని ముట్టుకోలేదు. నువ్వు ఊరు వదిలేయగానే నాపనిని నేను
చేసి, ధర్మ హీనులను ధ్వంసంచేశాను." అన్నాడు కలిపురుషుడు.
...ధర్మం తప్పని వాడు ఎప్పుడూ విజేతే...
II ధర్మో రక్షతి రక్షితః II
ప్రణవ ధ్వని ఓంకారం
30/06/17, 9:57:02 AM: +91 79811 59026: _ప్రణవ ధ్వని ఓంకారం_
*ఓంకారానికి,
ఓంకారానికి మధ్య ఏర్పడుతున్న నిశ్శబ్దాన్ని సాధకుడు గమనించాలి. అక్కడ
మనసు ఆగిపోతుంది. ఆ నిశ్చలత్వమే ఓంకారాన్ని ఉద్దీపింపజేస్తుంది.*
ప్రయత్నపూర్వకంగా ప్రతి రోజూ ఓంకారాన్ని జపిస్తే, కొంతకాలం గడిచాక మనసులో
ఒక ప్రశాంతత ఏర్పడుతుంది.
‘ప్రశాంతత
కావాల్సినవారు ఓంకార ధ్యానం చేయాలి’ అంటారు ఓషో. నమ్మకం ఉన్నవారైనా,
లేనివారైనా ఓంకారాన్ని జపిస్తూ అనుభవంలోకి తెచ్చుకోవచ్చు. *‘అ’కార, ‘ఉ’కార,
‘మ’కారాలు కలిసి ‘ఓంకారం’ అయిందని పండితులు చెబుతారు.*
*ఔషధాన్ని
నమ్మనివారైనా, దాన్ని తీసుకున్నప్పుడు దాని పని అది చేస్తుంది. ఓంకారమూ
అంతే! ఆ శబ్దాన్ని ఉచ్చరించడం మొదలుపెట్టగానే, అది సాధకుల్ని చక్కగా
పట్టుకుంటుంది. ఆరోగ్యం కలిగించేవరకు అది విడిచిపెట్టవద్దు- అంటారు యోగ
నిపుణులు.*
వేదభూమికి
ఆధారం ఈశ్వరుడు. ఆయనకు శబ్దరూపం ఓంకారం. ఓంకారంతో ధ్యానంలోకి ప్రవేశిస్తే
చాలు. ఆనందం కోసం ప్రత్యేకంగా ప్రయత్నించాల్సిన అవసరం లేదని ఉపనిషత్తులు
చెబుతున్నాయి.
*ఓంకారం
అంటే, ఆనంద స్వరూపం.* అది ఆధ్యాత్మికతకు పుట్టినిల్లు. అన్నమయ, ప్రాణమయ,
మనోమయ, ఆనందమయ కోశాల్ని దాటి వెలుగులీనుతూ ఉంటుంది అది. ఎవరు ఆ ప్రణవ శబ్దం
చేస్తారో, వారితో సులువుగా కలుస్తుంది. వారిని తనలో కలుపుతుంది.
సుధాసింధోర్మధ్యే*
30/06/17, 9:58:53 AM: +91 98660 49721: *సుధాసింధోర్మధ్యే* *సురవిటపివాటీపరివృతే*
*మణిద్వీపే నీపోపవనవతి* *చింతామణిగృహే .*
*శివాఽకారే మంచే* *పరమశివపర్యంకనిలయాం*
*భజంతి త్వాం ధన్యాః కతిచన చిదానందలహరీమ్*
ఇంతవరకూ మహామహిమాన్వితురాలు జగజ్జనని అని చెప్పిన తల్లి నివాసం ఎక్కడ అన్నదానికి సమయ మతానుసారంగా, ఈ శ్లోకంలో సమాధానం చెబుతున్నారు.
ఈ
సమయమతం అంటే ఏమిటో క్లుప్తంగా చెప్పుకుందాం. శ్రీశంకరులు
సౌందర్యలహరీస్తోత్రం అనే మహధ్భాగ్యాన్ని మనకు ప్రసాదించారు. కేవలకైవల్య
ప్రదాయకమైన మహిమాన్వితమైన స్తోత్రం. ఈ స్తోత్రాన్ని పరమేశ్వరుడే అమ్మవారిని
ఉద్దేశించి చెప్పాడనీ దానిని కాలడి శంకరులు మనకు అనుగ్రహించారనీ ఒక
ఐతిహ్యం. ఇది శ్రీవిద్యారహస్యసంపుటీకరణ మన దగ్గ స్తోత్రం. దీనిని బట్టి
శ్రీశంకరులు శ్రీవిద్యా ఉపాసకులనీ శాక్తేయులనీ భావించవచ్చును. అయన సమయమత
సిధ్ధులనే విశ్వాసం. ఈ శ్రీవిద్య శ్రీశంకరుల అద్వైతానికి అభిన్నమైనదే. ఈ
శ్రీవిద్యలో మూడు ముఖ్యమార్గాలున్నాయి. అవి కౌలం, మిశ్రం, సమయం అనేవి.
వీటిలో వేదప్రమాణం కాల్దీ పారమార్థికమైనది కేవలం సమయమతమే. మొదటి రెండూ
వామమార్గాలనీ, ఈ సమయమతాన్ని దక్షిణామ్నాయమనీ పరిభాషగా వాడుక చేస్తూ
ఉంటారు. శంకరమఠాల్లో దక్షిణామ్నాయము అని వ్రాస్తూ ఉండటం చూసే ఉంటారు కదా.
సుధ
అంటే అమృతం అని మనకు తెలుసు. సింధువు అంటే సంధర్భాన్ని బట్టి నది లేదా
సముద్రం అని చెప్పుకోవాలి - ముఖ్యంగా సముద్రం అని చెప్పటమే రివాజు. కాబట్టి
సుధాసింధువు అంటే అమృతసముద్రం. సుధాసింధోః మధ్యే అంటే ఆ అమృతసముద్రం
మధ్యలో అని. ఆ అమృతసముద్రం మధ్యలో ఒక మణిద్వీపం ఉందట. అక్కడి విశేషం
చెబుతున్నారు.
సురలు
అంటే దేవతలు. విటపి అంటే చెట్టు. సురవిటపి అదే దేవతల చెట్టు అంటే
కల్పవృక్షం. వాటి అంటే తోట. కాబట్టి సురవిటపివాటీ అంటే కల్పవృక్షాలతోట
అన్నమాట. అంటే ఇప్పటి వరకూ మనకు ఆకచార్యులవారు చెప్పినది ఆ ద్వీపంలో
కల్పవృక్షాలతోట ఒకటి ఉందని. కొంత చిరునామా తెలిసింది కదా.
చింతామణి
అంటే తెలుసుకదా. ఇంద్రుడి దగ్గర ఉండే గొప్ప మణి. అదికూడా అడిగిందల్లా
ప్రసాదిస్తుంది. దాన్ని మించిన మణి ముల్లోకాల్లోనూ ఉండదు. చింతామణిగృహం
అని చెప్పారు. దీని అర్థం ఏమిటంటే ఓ కొల్లలుగా చింతామణులున్నా యక్కడా - ఆ
చింతామణులతోటి కట్టిన ఒక గృహం ఉందీ అంటున్నారు. ఇంద్రుడి దగ్గర చచ్చి
ఒక్కటంటే ఒక్క చింతామణి ఉంటే దాంతో విర్రవీగుతూ ఊరేగుతున్నాడయ్యా. ఈ
మహాభవనాన్ని చింతామణుల్నే వాడి కట్టారూ అంటే ఆ అమృతసముద్రం మధ్యలో
కల్పవృక్షాలతోట ఉన్న దీవి వైభవం ఊహించుకోవలసిందే కదా!
ఆ
చింతామణిగృహం నీపోపవనవతి అన్నారు. నీపం అంటే కడిమి చెట్టు. ఆ భవనం చుట్టు
కడిమి పూల తోట ఒకటి ఉందట. ఏం మామిడితోటలో ఒక ఇల్లు కట్టుకుని దాని చుట్టు
ఒక పూలతోట పెంచుకోరూ జనం అలాగే అక్కడ ఆ వైభవమూ.
ఆ పిమ్మట ఆ యింటిలోనికి ప్రవేశిస్తే అందులో సంగతి ఎలా ఉండేదీ చెబుతున్నారు.
మంచె
అంటే మంచం. అంటే రోజూ మనం వాడే మంచం అనేది ఈ మంచె అనే సంస్కృతపదం నుండి
వచ్చిందే అన్న మాట. భలే. దాన్ని శివాకారే అన్నారు - అంటే అది శివా (శక్తి)
ఆకారం కల మంచం అట. ఆక్కడ అమ్మ ఉంది. ఎలా?
పరమశివపర్యంకనిలయగా అంటే ఎక్కడ? పరమేశ్వరుడు శయనించి ఉన్న ప్రక్కమీద.
ఆవిడ ఎలా ఉందట? చిదానందలహరిగా. జ్ఞానస్వరూపంగా నిరతిశయమైన ఆనంద ప్రవాహస్వరూపంగా ఉందట.
అటువంటి అమ్మను గురించి అందరూ భావన చేయగలరా అని ప్రశ్నవేసి, దానికి సమాధానం చెబుతున్నారు. ఏమని?
అమ్మా,
త్వాం - అంటే అలా (అమృతసముద్రం మధ్యలో, కల్పవృక్షాలతోటలో ఉన్న
చింతామణీగృహంలో కేవలశక్తిస్వరూపమైన మంచం మీద, పరమేశ్వరుడితో ఏకశయ్యమీద )
చిదానందస్వరూపంగా ఉన్న నిన్ను ధన్యాః - అంటే నీ అనుగ్రహప్రసాదం కారణంగా
ధన్యులైన వారు కేవలం కొద్దిమంది మాత్రమే భజంతి- సేవించగలుగుతున్నారమ్మా
అంటున్నారు.
ఇది స్థూలార్థం. బాగుంది కదా?
సమయమతానుసారంగా కొంచెం విపులీకరిస్తాను.
శ్రీచక్రంలో
అధోముఖంగా ఉన్న నాలుగు శివాత్మకమైన యోనులూ, ఊర్ధ్వముఖంగా ఉన్న ఐదు
శక్తియోనులూ కలిసి నవయోనులు (నవత్రికోణములు). ఈ శ్రీచక్రంలో ఉన్న
బిందుస్థానానికే సుధాసింధువని పేరు. పంచయోనులే కల్పవృక్షాలు.
దానిమధ్యభాగానికే మణిమంటపం అని పేరు. దానిలోనే దేవీమందిరం. అక్కడ మంచమే
శక్తిస్వరూపమైనది. ఆ మంచపు కోళ్ళు బ్రహ్మ, విష్ణు, రుద్ర, ఈశ్వరులు. తలగడ
మహేశ్వరుడు. పానుపు సదాశివుడు. ఆ పర్యంకమందున్న శ్రీదేవి ఆ సదాశివుడే
ఆలంబనంగా పానుపుగా ఆయనతో అభిన్న స్థితిలో నున్నది. అవిడ కేవలం
ఆనందప్రవాహస్వరూప. ఇదంతా చాలా సంకేతాలతో కూడుకొని ఉండటం వలన అంత సులభంగా
అవగాహన కాక పోవచ్చును.
ఇంకా
లోతైన మంత్రశాస్త్ర సంబంధమైన వివరణ చెప్పుకోవాలంటే విస్తారంగా ఉన్నది.
కాని విశేషంగా అది గురుముఖంగా తెలియవలసినది. ఉపాసనద్వారా అవగాహనకు
తెచ్చుకోవలసినది. అంతే కాని వ్రాతలో చెప్పుటకు వీలైనది కాదు.
శ్రీవిద్యాధికారులకు తప్ప ఇలా బహిరంగంగా వివరంగా చర్చించుకొనే విషయం కాదు.
ఈ
శ్లోకాన్ని ప్రతిదినం పన్నెండు సార్లు పారాయణం చేస్తూ ఉంటే అన్ని రకాల
అడ్డంకులూ భయాలు తొలగి పోయి సకలకార్యాలు నెరవేరుతాయని చెప్పబడింది. వీలైతే
పారాయణంతో పాటుగా అమ్మకు ఎర్రనిపూలతో పూజ చేయాలి. నైవేద్యం నల్లమిరియాలు.
*మీ*
*శశికాంత్ శర్మ దహగం*
Wednesday, June 28, 2017
నియోగులు
17/06/17, 11:21:50 PM: +91 92904 53473: *నియోగులు*(మన బ్రాహ్మణుల లో యెన్ని శాఖ లో చూడండి )
ప్రథమశాఖ
ఆరువేల నియోగి
ప్రాజ్ఞాటి నియోగి
వెలనాడు నియోగి
నందవరీకులు నియోగి
తెలగాణ్య నియోగి
ద్రావిడ నియోగి
ఐ.కరణకమ్మ నియోగి
లింగధారి నియోగి
ములకనాడు నియోగి
కాసనాట్లు నియోగి
పాకనాటి నియోగి
మధ్వా నియోగి
శ్రిష్టి కరణాలు
నియోగ వైదీక
కౌండిన్య నియోగి
కాశ్యప నియోగి
మహారాష్ట్ర చిత్సవనులు
కోసలేయ నియోగి
వేగినాటి నియోగి
*"శివార్చకులు" శాఖ*
వీర శైవులు
ఆది శైవులు
శైవ పూజారులు
శివార్చకులు
శైవులు .
ఆరాధ్య లింగధారులు
శివ పురోహితులు
ఆరాధ్య బ్రాహ్మణులు
శైవ స్మార్తులు
మోన భార్గవ
*వైదీకీ బ్రాహ్మణులు*
*వైదీకీ వెలనాడు*
*వెలనాట్లు*,
*వేంగినాడు*
*వేంగినాడ్లు*
*ములకనాడు*
*ములకనాట్లు*
*కోసలనాడు*
*కోసలనాట్లు*
*తెలగాణ్యులు*
*కరణకమ్మ*
*స్మార్త*
*మురికినాట్లు*
*ప్రథమశాఖ వైదికి*
*కాసల్నాటి వైదికి*
*వేగినాటి వైదికి*
మరియు
గోల్కొండ వ్యాపారులు
కాణ్వేయులు
కాణ్వులు
మధ్వా
బడగలనాటి కన్నడలు
యజ్ఞవల్క్యులు
శ్రీ వైష్ణవులు
వైఖానసులు
నంబూద్రి బ్రాహ్మణ
తదితర బ్రాహ్మణులు, ఉపశాఖలుగా విభజించబడ్డారు.
*"ద్రావిడ"*
ఆరామ ద్రావిడ
పూదూరు ద్రావిడ
పేరూరి ద్రావిడ
దివి ద్రావిడ
దివిలి ద్రావిడ
తుమ్మగుంట ద్రావిడ
వూటూరు ద్రావిడ
పూమాలు ద్రావిడ
అనే మరొక ఉప శాఖలు
ఆంధ్ర ప్రదేశ్నకు వలస వచ్చిన తమిళ బ్రాహ్మణులు ద్వారా ఏర్పడినది..
ద్వైతం అద్వైతం విశిస్టాద్వైతం అంటే ఏమిటి?
18/06/17, 8:06:18 AM: +91 98660 49721: ద్వైతం అద్వైతం విశిస్టాద్వైతం అంటే ఏమిటి?
ద్వైతం : నీవు దైవం ; నేను జీవున్ని ..... నీవు గురువు , నేను శిష్యుణ్ణీ అన్నది ద్వైతం .
మధ్వాచార్యులు
ప్రవచించిన మతం. జీవాత్మ, పరమాత్మలు రెండూ వేర్వేరుగా ఉంటాయని చెబుతుంది.
సృష్టిలో కంటికి కనిపించే ప్రతిదీ.... కంటికి కనిపించని పరమాత్మ వాసుదేవుడి
మీద ఆధారపడి ఉంటుందని, ఆయనే ఈ సృష్టికి మూలకారకుడని తెలుపుతుంది.
అద్వైతం : నీవు -నేను ఒక్కటే అన్నది అద్వైతం .
అద్వైతం
అనగా భాషాపరంగా అర్థం "ద్వైతం"కానిది, జీవాత్మ, పరమాత్మల ఏకత్వ భావనే
అద్వైత సిద్ధాంతానికి ప్రాతిపదిక. ఆది శంకరాచార్యులు ఈ సిద్ధాంతాన్ని
ప్రతిపాదించాడు. శంకరుడు బోధించిన తత్వం "అద్వైతం" - అనగా రెండు కానిది.
ఆత్మ, బ్రహ్మము (పరమాత్మ) ఒకటే అనేది అద్వైతం మూల సూత్రం.
చారిత్రకంగా
దీని ప్రతిపాదకుడు గౌడపాదాచార్యుడు. ఇతడు శంకరుని గురువైన గోవింద
భగవత్పాదునకు గురువు. అయితే మనకు లభించిన సాహిత్యం ప్రకారం ఈ తత్వానికి
మూలగ్రంధాలు ప్రస్థానాత్రయం (Prasthanatrayi) — అనగా ఉపనిషత్తులు, భగవద్గీత
మరియు బ్రహ్మసూత్రాలకు శంకరుడు రచించిన భాష్యాలు.
విశిష్టాద్వైతం
: నీవు(దేవుడు) -నేను(జీవి) -ప్రకృతి(పంచభూతాలు) అన్నవి వేర్వేరు అయినా
ఒకదానిలో ఒకటి మిలితమై అంతటా వ్యాపించి ఉంటాయి .
విశిష్టాద్వైతం అనేది 11వ శతాబ్దిలో రామానుజాచార్యుడు ప్రతిపాదించిన వేదాంత దర్శనము.
జీవుడు,
ప్రకృతి, ఈశ్వరుడు - మూడూ సత్యములని విశిష్టాద్వైతము అంగీకరిస్తున్నది.
'చిత్' అనబడే జీవునితోను, 'అచిత్' అనబడే ప్రకృతితోను కూడియే ఈశ్వరుడుండును.
శరీరములో జీవుడున్నట్లే, జీవునిలో అంతర్యామిగా శ్రీమన్నారాయణుడు ఉండును.
ఆజ్ఞానవశమున జీవుల సంసారబంధమున చిక్కుకొందురు. భగవదనుగ్రహమువలన, సద్గురుకృప
వలన, భగవంతునకు శరణాగతులైనవారు అజ్ఞానమునుండి విముక్తులై, మరణానంతరము
మోక్షము పొందుదురు. అలా నారాయణ సాన్నిధ్యము పొందినవారికి మరుజన్మలేదు.
Subscribe to:
Posts (Atom)